के गोर्खाहरुको सपना पुरा हुन्छ? दार्जिलिङका सांसद राजु विष्टले त्रिपक्षीय वार्तामा सहभागिताको घोषणा गरे।

दार्जिलिङका सांसद राजु विष्टले त्रिपक्षीय वार्तामा सहभागिताको घोषणा  गरे।

नयाँ दिल्ली, 26 मार्च 2025 – भारत सरकारको गृह मन्त्रालयले दार्जिलिङ पहाड़, तराई, र डुवर्स क्षेत्रका दीर्घकालीन मुद्दाहरू समाधान गर्न दोस्रो चरणको त्रिपक्षीय वार्ता को आयोजना गर्न लागेको छ। यस वार्तामा केन्द्रीय सरकार, पश्चिम बङ्गाल सरकार, र क्षेत्रका सबै हितधारकहरू संलग्न हुनेछन्।

दार्जिलिङका सांसद राजु विष्ट ले एक आधिकारिक विज्ञप्ति जारी गर्दै वार्तामा सहभागी हुने घोषणा गरेका छन्। उनले भने:

"आज हामीलाई गृह मन्त्रालयबाट त्रिपक्षीय वार्ताको दोस्रो चरणमा भाग लिनका लागि निमन्त्रणा प्राप्त भएको छ। यो बैठक आगामी २ अप्रिल २०२५, बिहान ११:०० बजे, नयाँ दिल्लीको नर्थ ब्लक मा हुनेछ, जसको अध्यक्षता भारत सरकारका गृह राज्यमन्त्री ले गर्नुहुनेछ।"

उनले केन्द्र सरकारको प्रतिबद्धता दोहोर्याउँदै भने:

"भारत सरकार हाम्रो क्षेत्रका जनताका दीर्घकालिक मागहरूको समाधान शान्तिपूर्ण वार्ता र समग्र दृष्टिकोणमार्फत गर्न वचनबद्ध छ।"

सांसद विष्टले प्रधानमन्त्री नरेन्द्र मोदी र गृहमन्त्री अमित शाह को नेतृत्वमा विगतमा थुप्रै ऐतिहासिक मुद्दाहरू सौहार्दपूर्ण रूपमा समाधान भइसकेको उल्लेख गर्दै भने:

"मलाई विश्वास छ कि यो त्रिपक्षीय बैठक फलदायी हुनेछ र हाम्रो क्षेत्रका जनताका लागि सकारात्मक समाचार ल्याउनेछ। हामी माननीय प्रधानमन्त्री मोदीज्यू र गृहमन्त्री अमित शाहज्यूप्रति न्याय सुनिश्चित गर्ने उहाँहरूको प्रतिबद्धताका लागि अत्यन्त आभारी छौँ।"

यो वार्ताले दार्जिलिङ, तराई, र डुवर्स क्षेत्रका जनताको दीर्घकालीन मागहरूको स्थायी समाधान खोज्ने दिशामा ठोस कदम चाल्ने आशा गरिएको छ।

तर प्रश्न उठ्छ:

के गोर्खाल्याण्ड हुन्छ ?
भाजपाको नजरमा गोर्खाको सपना के हो ?