আন্তঃ জিলা ৱাকো কিক্ বক্সিং চেম্পিয়নশ্বিপ ২০২২ ত সোণৰ পদক লাভ কৰিলে হেনা লিম্বুয়ে

তিনিচুকীয়া, ১৩ ডিচেম্বৰ: তিনিচুকীয়াবাসীৰ বাবে এটি ভাল খৱৰ। তিনিচুকীয়া জিলাৰ খেতুপথাৰ নিৱাসী প্ৰতিভাৱান খেলুৱৈ হেনা লিম্বুয়ে আন্তঃ জিলা ৱাকো কিক্ বক্সিং চেম্পিয়নশ্বিপ ২০২২ ত সোণৰ পদক লাভ কৰি সমগ্ৰ তিনিচুকীয়ালৈ গৌৰৱ কঢ়িয়াই আনিবলৈ সক্ষম হয়।

জানিব পৰা মতে, Shivsagar District Amateur Kickboxing Association ৰ উদ্যোগত যোৱা ১১ ডিচেম্বৰ তাৰিখে শিৱসাগৰৰ শিমলুগুৰি নাট্য মন্দিৰ প্ৰাংগনত অনুষ্ঠিত হোৱা আন্তঃ জিলা ৱাকো কিক্ বক্সিং চেম্পিয়নশ্বিপ ২০২২ ত এই পদক লাভ কৰে হেনা লিম্বুয়ে।

প্ৰতিভাৱান খেলুৱৈ হেনা লিম্বুৰ এই সফলতাত তেওঁৰ পৰিয়ালৰ লগতে সমগ্ৰ অঞ্চলবাসী উৎফুল্লিত হৈ পৰে। আনহাতে, খেলুৱৈগৰাকীক গোৰ্খা ছাত্ৰ সন্থাকে ধৰি বিভিন্ন দল সংগঠনে অভিনন্দন জনাই।